EGB

Euskal Girotze Barnetegiak

Euskal Girotze Barnetegiek, batez ere, etxeko eta/edo kaleko erdal giroan bizi diren haurrei euskal giro aberats bat ezagutzeko eta, are gehiago, bertan euskaraz bizitzeko aukera eskaintzen die.

Barnetegi horien helburu nagusia etxeko eta kaleko erdal giroan bizi diren haurrei euskal giro aberats bat ezagutzeko eta, are gehiago, bertan euskaraz bizitzeko aukera eskaintzea da, bizipen gogoangarri bat izateko aukera izan dezaten; honela ikasleen euskara ikasteko prozesuari eta hizkuntzarekin duten harreman afektiboari bultzada eragingarria eman diezaioten. Batez ere zera lortu nahi da: euskaraz lehen pausoak ematen ari diren ikasleei hizketan askatu ezin hori gaindiaraztea; euskaraz komunikatzeko gai direla konturaraziz beren buruekiko segurtasuna eta konfiantza sortzea, eta hitz-etorria indartzea. Beraz, barnetegien xede nagusia ikasleen hizkuntzaren erabilera eta haren aldeko motibazioa indartzeko ekintzak burutzea izango da.

Azken urteotako eskaintzari jarraiki, aurten ere dauden bost Euskal Girotze Barnetegietara joateko aukera egingo du eskabidea betetzen duen ikastetxeak: Alkiza, Lemoiz, Barria, Elgoibar eta Segura. Etxe hauetan 4 eguneko egonaldiak egiten dituzte A, B zein D eredukoek; beti ere bere irakaslearekin datozen ikasgela osoak izan behar dute. Barnetegi hauek kurtso garaian egiten dute lan, bertaratzen diren ikasgelak astero aldatuz.

Egonaldi hauetan parte hartzeko jarraibidea:

Ikastetxeak egingo duen eskaera barnetegiren batean txanda eskuratzeko egingo du, baina ez barnetegi jakin batean. Txanden banaketa egiteko eratuko den batzordeak egingo du bost barnetegietako txanden esleipena.

Martxoaren erdi aldera ikastetxearen helbide elektroniko ofizialean jasoko dituzue zuzendariaren zirkularra, araudia eta, herri ikastetxeen kasuan, eskabidea betetzeko argibideak.

Aurten deiladia kudeatzeko prozeduran aldaketa handiak daudenez, ahalegin berezia egin beharko dugu guztiok kudeaketa bide berri honetan ahalik eta arazo gutxien sortu dadin. Horretarako oso kontuan hartu ondorengo aholkuak:

• Herri ikastetxeek eta itunpeko ikastetxeek, nork bere prozedura izango du.
• Eskabidea bera eta deildiari lotutako prozedura guztiak modu elektronikoan egingo ditugu.
• Herri ikastetxeek jarraitu behar duten prozeduraren gaineko informazioa:

  Eskabideak betetzeko, sinatzeko eta bidaltzeko behar diren argibideak

  Eskabidea egiteko sakatu Herri ikastetxeen eskabidea

• Itunpeko ikastetxeen prozedura: Eskabideak egiteko, sinatzeko eta bidaltzeko sakatu Itunpeko ikastetxeen eskabidea

Txanden esleipena egin ondoren, irailaren hasieran barnetegietan egiten den bileran emango zaizue gainontzeko informazioa.

Barnetegien funtzionamenduaz, asmoez, programaz... informazio osatuagoa nahi izanez gero jo ezazue BARNETEGIETARA